Halo 3 PC July 14-ah
Halo 3 chu July 14 hian PC-a khelh theih turin an tlangzarh dawn, Halo fan-te tan chuan thu lawmawm tak a ni ngei ang.
Bungie develop first-person shooter game Halo 3 hi kum 2007-ah khan Xbox 360 console-a khelh theih turin tlangzarh a ni tawh a, kum 13 lai a liam hnuah PC-a khelh theih tur hian an tlangzarh dawn ta a ni.
Xbox 360 tana tlangzarh a nih aṭanga kum ruk liam hnuah Xbox One-a khelh theih turin an tlangzarh ṭha leh a, kum 2014 khan Halo: The Master Chief Collection peng pakhat angin Halo 3 hi an tlangzarh leh a ni. Microsoft pawh hian Halo: The Master Chief Collection peng pakhat ang hian an tlangzarh dawn a, Microsoft Store leh Steam-ah a lei theih dawn bawk.
Steam chuan Halo 3 hi Windows 7-ah a khelh theih dawn niin an sawi a, mahse Microsoft Store chuan Windows 10 a ngai dawn niin an tarlang thung. Halo: The Master Chief Collection official website-ah chuan Halo 3 hi an instalment thar tur a nih thu an tarlang a ni. Halo: The Master Chief Collection hi Steam Summer Sale kal lai mek vangin Steam-ah chuan Rs 719 sengin a lei theih dawn a ni hmel a, Microsoft Store-ah erawh Rs 2,699 man a ni dawn thung.