Ed Sheeran-a'n '2step' aṭanga a sum hmuh Ukraine tan

Ed Sheeran chuan a single thar '2step' aṭanga a sum hmuh chhuah zawng zawng chu DEC Ukraine Humanitarian Appeal hnenah a hlan vek dawn.

Sheeran hian Lil Baby thawhpuiin '2step' hi nimin khan a official music video a tichhuak a, a single thar ber niin he music video hi Ukraine-a a shoot a ni.

Russia-in Ukraine a run hma bawk khan he video hi Ukraine khawpui Kyiv-ah a shoot a, chu chu nimin khan tlangzarhin a sum hmuh chhuah zawng zawng chu Ukraine tan a hlan dawn a ni.