SEVENTEEN album thar 'Face the Sun' May-ah

K-pop group SEVENTEEN chuan an album thar 'Face the Sun' chu May 27-ah an tlangzarh dawn.

SEVENTEEN hian tunhnaiah an album thar tur chungchangah hian thawm an nei zeuh zeuh tawh a, Ningani khan May 27-ah album thar an tlangzarh hun tur hi an puangzar a, an fan-te tan chuan thu lawmawm tak a ni ngei ang. An management company Pledis Entertainment chuan March thla khan SVT chu album puitling tichhuak tura rim taka an thawh mek thu leh May thlaa tlangzarh an tum thu an puangzar tawh a, tunah chuan album an tihchhuah hun tur hi a chiang ta a ni.

April 15 khan SVT hian an English single hmasa ber 'Darl+ing' chu an lo tichhuak tawh bawk. 'Face the Sun' hi kum 2019-a 'An Ode' an tihchhuah hnua an album tihchhuah leh hmasak ber tur niin nimin aṭang khan pre-order hun an hawng ṭan tawh nghe nghe.