'Mad Men' Actor Robert Morse a thi

'Mad Men'-a Bertram Copper lema chang, Robert Morse chu kum 90 mi niin Nilaini khan a thi.

Robert-a agent David Shau chuan hemi chungchang hi puangzarin hun rei lote a damloh hnuah a chenna inah thlamuang takin a kal ta a ni, tiin thuchhuah a siam a, a thih chhan tak erawh puanzar a ni lo.

Tony Award hial pawh lo dawng tawhtu Robert Morse hian lemchan khawvelah sulhnu a hnutchhiah nual tawh a, Primetime Emmy Award-te pawh dawng tawhin film pangngai bakah TV show eng emaw zatah a inlan tawh a ni.

Naupang lamin an lawm 'Teen Titans Go! vs. Teen Titans' leh 'Teen Titans Go!'-a Santa Clause aw kha Morse-a awm hi a ni nghe nghe a, 'Donald Trump's The Art of the Deal: The Movie' leh 'Hunk'-ahte pawh khan a inlan bawk a ni.