'Dungeons & Dragons' movie title tur a hriat ta

Mi tam takin an nghahhlelh 'Dungeons & Dragons' movie chuan title mumal a nei ta. 'Dungeons & Dragons: Honor Among Thieves' tih a ni dawn. Social media kaltlangin film title hi puanzar a ni a, March 3, 2023-ah tlangzarh a ni dawn tih an puangzar tel bawk.

He film hi Jonathan Goldstein leh John Francis Daley-te chuan an direct dawn a, Chris Pine, Michelle Rodriguez, Regé-Jean Page, Justice Smith, Sophia Lillis, Chloe Coleman, Daisy Head leh Hugh Grant-te chu an chang dawn a ni.

Chris Pine chuan Game of Thrones, The Princess Bride, Monty Python leh Holy Grail film inpawlh ang deuh a nih dawn thu a lo sawi tawh. He film hi Hasbro hnuaia Wizards of the Coast game siam, fantasy tabletop role-playing game (RPG) a ni a, edition eng emaw zat an tichhuak tawh a ni.

Mizo zingah chuan he game hi kan hmelhriat lutuk lo mai thei a, chutih rual chuan 'The Big Bang Theory' sitcom fan-te erawh chuan an hmelhriat viauin a rinawm thung.