Voltas Malsawm House Ṭhazual Lengzem ; 'Astronaut' a inkâp chhuak sáng

Voltas Malsawm House Ṭhazual Lengzem chart-ah tunlai Mizo lengzem singer huhang ngah ber zinga mi Rebecca Lallawmsangi chuan Peka Fanai thawhpuia a tihchhuah 'Astronaut' chu pakhatna a nihpui.

'Astronaut' a inkap chhuak sang
Chart hmasaah khan parukna a ni a, tunah chuan pakhatna a rawn ni der mai! Ṭhazual chart-a hmasawn chak ber zinga mi a ni ngei ang.

Rebecca Lallawmsangi hi a hla tihchhuah apiang a la hit char char ti ila kan sawi sualin a rinawm loh. Tuna a hla tihchhuah thar ber "Astronaut' pawh hi kar li vel chiah YouTube-ah a la awm nachungin thlirtu nuai nga chuang fe an awm leh der tawh. Tunlai ṭhalaite tuipui zawng hla a tichhuak thiam viau a ni.

'Astronaut' hi a music kalhmang leh a hla kalhmang chu amah Rebecca-i sak awm tak a ni leh tih chu ngaithlatute'n an hre vekin a rinawm. Sawi hmaih chi loh chu a music video mawlh kha a ni. Music video siam mawi vanga Ṭhazual award hial pawh lo dawng tawh Reuben Lalmalsawma kut chhuak a ni lehpek a, a en tlakin Mizo kut chhuak video class ber pawl a ni. VFX buaipuitu I Am Demix nena an kut chhuak music video chart topper a ni hi a awm viau mai.

Pahnihna leh pathumna
Chart hmasa lama pangana Sangkimi Khiangte 'Kan au che nunhlui' chu pahnihna a rawn ni ta a, ani pawh hian hma a sawn chakin topper ni mai thei dinhmunah a ding ta. Chart hmasa lama pathumna Thawng Bawi 'I Cham reng si' chu a dinhmun ngai pathumnaah a la ding ve bawk.

Chart a 'hot' sawt viau
Palina chu Ruati Liankhum & Marina V. Varte 'Lo haw thuai thuai' a ni a, pangana pawh Benjamin Sum niin a hla thar 'Sam ang ṭhen zai I rel tawh mai ang' chu pangana a ni.

Josephine Lalawmpuii, Sammy Vangchhia ft Travis Sailo, Vagabon, Shi Bia ft Casper & Tluanga Hnamte bakah Mesty Chawngtu te chu top 10-ah an lang.

Ṭhazual Lengzem chart top 10:-
1 Rebecca Lallawmsangi & Peka Fanai Astronaut
2 Sangkimi Khiangte Kan au che nunhlui
3 Thawng Bawi I Cham reng si
4 Ruati Liankhum & Marina V. Varte Lo haw thuai thuai
5 Benjamin Sum Sam ang then zai I rel tawh mai ang
6 Josephine Lalawmpuii Ka luangliam
7 Sammy Vangchhia ft Travis Sailo Lamtual mawitu
8 Vagabon Zirna run
9 Shi Bia ft Casper & Tluanga Hnamte Ka tawng ta che
10 Mesty Chawngthu Amawii zun