BILLBOARD Artist 100-ah The Weeknd pakhatna

Chart-a an dinhmun te, an music hralh dan aṭang­te leh tehna hrang hrang aṭangtea an teh a, Billboard-in chart a siam, Artist 100-ah The Weeknd chu pakhatna a ni.

Billboard-in Artist 100 a tihchhuah tharah hian pakhatna a ni leh a, Justin Bieber-a nih theih ang a rawn ni ve ta. Artist 100-ah, solo mipa zinga pakhatna ni thei ngun ber dawttu Justin Bieber chu The Weeknd hian a rawn nih rual ta a ni. The Weeknd leh Justin Bieber te hi pakhatnaah vawi 11 ve ve an awm thei ta a ni.

Mipa zinga pakhatna ni thei ngun ber chu Drake a ni a, vawi 23 zet pakhatna a ni tawh a, a pumpuia pakhatna luah ngun ber chu Taylor Swift niin, vawi 31 zet pakhatna a ni tawh