NETFLIX-ah 'The Queen's Gambit' a hit

Anya Taylor-Joy channa 'The Queen's Gambit' chu Netflix-a 'most-watched scripted limited series' a ni.

Argentine-British actress channa 'The Queen's Gambit' hi tihchhuah a nih aṭanga ni 28 chhung lekin account maktaduai 62 chuang aṭangin en a ni tawh a, fahrah chess khel thiam tak film hian lawm a hlawh hle tih a hriat.

He show hi kum 1983-a tlangzarh Walter Tevis' lehkhabu ziah behchhana siam series hi ram 92-ah chuan Netflix limited series en nasat zual 10 zingah a lang phak am ram 63-ah phei chuan en nasat ber niin chung zingah chuan UK, Argentina, Israel leh South Africa pawh a tel.

'The Queen's Gambit' hi Scott Frank leh Allan Scott-te siam niin October 23 khan an tlangzarh a, film review-tu lam pawhin Anya Taylor-Joy chevel chu an fak nghal hle a ni.