Barbie Movie ruangam hmasa ber chu

Margot Robbie channa Barbie film chu tlangzarh hun tur a hriat tawh a, a ruangam hmasa pawh hmuh tur a awm tawh bawk.

Thawhlehni khan Las Vegas-a CinemaCon 2022-ah Barbie tlangzarh hun tur hi an puangzar a, nakkum July 21-ah an tlangzarh dawn. Hemi rual hian social media lamah Margot Robbie 'Barbie' hmuh theihin an dah chhuak tawh bawk a ni.

Lady Birf leh Little Women aṭanga hriat hlawh Greta Gerwig chuan he film hi a direct dawn a, Robbie bakah hian Ryan Gosling, Simu Liu, Will Ferrell, Kate McKinnon, Alexandra Shipp, Emma Mackey, leh America Ferrera-te chu he film-ah hian an chang dawn a ni.