'The Batman 2' a chiang e

Warner Bros. chuan official-in Robert Pattinson channa 'The Batman' chhunzawmna an siam dawn tih an puang chiang ta.

Thawhlehni khan Las Vegas-a CinemaCon 2022-ah hemi chungchang hi an puangzar a, Robert Pattinson chu a chang leh dawn tih a chian tawh bakah Mat Reeves bawkin a direct leh dawn a ni.

Warner Bros. movie chief Toby Emmerich chuan,"Matt hian kan superhero lar ber zinga mi leh ngainat ber zinga mi chu bul a rawn ṭan thar leh a ni. Matt Reeves, Rob Pattinson leh team pum chuan the Batman 2 hmangin Gotham lamah mipui min hruai leh dawn a ni," tiin a sawi.

'The Batman' hi March thla khan tlangzarh a ni a, tunah chuan kumin chhunga film tlangzarh zinga sum lalut tam ber ni der tawhin $maktaduai 750 a lalut tawh a ni.