'First class' aia class sang Harry Styles 'As It Was'

Billboard Hot 100 chart-ah Harry Styles 'As It Was' chu pakhatna ni lehin kar hmasa lama pakhatna Jack Harlow 'First Class' chu a rawn nek chhuak a ni.

Harry Styles hian 'As It Was' hi a hmain pakhatna a nihpui tawh a, kar hmasa chart lamah Jack Harlow hian rawn nek chhuak zuai mah se tunkar chart-ah erawh pakhatna a rawn ni leh ta. He hla hi Billboard Global 200 chart leh Billboard 200 Excl. US chart lamah pawh pakhatna a ni bawk. Global chart pahnihah hi chuan kar hmasa lamah pawh khan pahnihna a ni tawh a, a zawnin kar thum chhung pakhatna a ni hial tawh.

Hot 100 chart lamah hian kar hmasa lama pakhatna Jack Harlow 'First Class' chu pahnihna a ni ve leh thung tawh a, Glass Animals 'Heat Waves' chu pathumna a ni thung.

Billboard 200 chart lam
Tyler, the Creator 'Call Me if You Get Lost' chu Billboard 200 chart-ah pakhatna a ni leh a, vawi hnih he chart-ah hian he album hmang hian Tyler hi pakhatna a ni ta.

He album hi kar hmasa lamah kha chuan 120-na a ni a, kar 37 lai he chart-ah hian a cham tawh bawk. Hetiang taka sanga a rawn invawrh leh chhan hi Vinyl a tlangzarh thar leh vang a ni. Vinyl copy hi a hralh ṭha hle a, record a siam hial.

Tyler hian kar hmasa chhung khan 'Call Me if You Get Lost' vinyl copy 49,000 a hralh a, hei hi kum 1991 hnua artist mipa zinga vinyl kar khata hralh tam ber record a ni.

Morgan Wallern 'Dangerous: The Double Album' chu pahnihna a ni a, Lil Durk '7220' chu pathumna a ni thung.

The Hot 100 top 5:-
1 As It Was Harry Styles
2 First Class Jack Harlow
3 Heat Waves Glass Animals
4 Big Energy Latto
5 Enemy Imagine Dragons X JID

Billboard 200 top 10:-
1 Call Me If You Get Lost Tyler, The Creator
2 Dangerous: The Double Album Morgan Wallen
3 7220 Lil Durk
4 Encanto Soundtrack
5 Sour Olivia Rodrigo
6 Certified Lover Boy Drake
7 Planet Her Doja Cat
8 The Highlights The Weeknd
9 DS4EVER Gunna
10 My Turn Lil Baby