Mizoram Music Festival lâm intihsiakah Supreme an thiam ber

Mizoram Music Festival, Sialsuk tlanga Dec 29-a Dance Competition neihah khan lâmthiam tam tak an inlan a, dance crew ṭha leh thiam ber ber inlan zingah hian Supreme Crew te pakhatna an ni a, Rs. 50,000 leh momento an dawng.

Supreme hi mipa hlang crew an ni a, an level a sang a, mipui mit pawh an la hle. Lawmman pahnihna la tute hi Frozen Crew an ni a, anni hian Rs. 30,000 leh momento an dawng thung. Frozen Crew hi K-Pop Festival aṭangtea kan lo hriat lar tawh te kha an ni. Lawmman pathumna hi hmeichhe hlang crew Dem Gyals chuan an ni ve thung a, Rs. 20,000 leh momento an dawng.

He dance competition hi Round 2 ah ṭhen a ni a, Prelims hi day stage-ah neih a ni a, crew tel zawng zawng aṭangin a ṭha ber 5 thlan chhuah an ni. Top 5 ah hian lawmman dawngtu crew pathum te bakah GOV leh Emerge Crew te an tling a, heng crew pahnih te pawh hi an duai lo hle.

Intihsiaka judge te hi Alan Rinawma, Nutei Pautu leh Angela Khuma te an ni a, Adama, Chanmari leh Sangtei Renza ten zei takin he intihsiak hi an host. He intihsiak thlir letna video hi Mizo Dance Camp youtube channel-ah en theih a ni.