Hugh Jackman a Wolverine zel mai thei

Kumina chhuak tur Logan film h Wolverine lem anga Hugh Jackman-a chan hnu­hnun ber tur an ti ṭhin a, amah pawhin chutiang chuan a sawi. Hetiang hi ni mah se, Hugh Jackman hian thutlukna a lo siam tawh hi a ngaihtuah ṭha leh a ni mai thei.

Movie director Ryan Rey­nolds chuan engtikah emaw Deadpool-Wolverine film siam a duh thu leh a tum thu a sawi a, hei hian Hugh Jackman rilru a hneh a nih hmel. Hugh Jackman chuan Ryan Reynolds-a’n a ruahmanna a sawi chhuah hnu lawkah Wolverine chawlhsan chu a inthlahranawm dawn hlea a hriat thu a sawi.

Reynolds hian hman ni deuh­a interview an neihah, “Deadpool leh Wolverine te hi movie pakhata awm a, chan duntir ka chak khawp mai. Chutiang ti tura tuna kan tih theih chu Hugh rilru hneh a ni,” a ti.