Dua Lipa Music Video tharah Anwar Hadid inlan dawn

'Don't Start Now' singer Dua Lipa leh a bialpa Gigi Hadid-te nuṭa Anwar Hadid chu a music video tharah an inlan dun dawn niin an sawi.

Dua Lipa leh Anwar hi UK-ah hripui leng vangin an inkhunghrang mek a, Lipa music video thar tihchhuah turah pawh an thawkdun nghal dawn a nih hmel.

The Sun chanchinbu chuan Dua hian London-ah kar liam ta khan a music video thar tur hi a buaipui ṭan leh tawh niin an tarlang. Kumina Dua Lipa-in a album tlangzarh 

'Future Nostalgia'-a mi a single palina tur a ni dawn a, eng hla ber nge tih erawh tarlan a la ni lo thung.

'Future Nostalgia' aṭang hian 'Don't Start Now', 'Physical', leh 'Break My Heart'-te chu single-in a tichhuak tawh a ni.

'Future Nostalgia' hi Dua Lipa album pahnihna chiah a la ni a, ram pakuaah lai chart-ah No.1 a ni thei a, UK Albums Chart-ah phei chuan a zawnin kar li lai No.1 a ni thei. Warner Records kaltlangin March 27 khan kharkhip karah a tlangzarh a, mi tam takin a tihsual hlauhthawnpui mah se a hlawhtlinpui hle tho a ni.