Realme Narzo 10A Flipkart-ah sale dawn

Realme Narzo 10A chu June 23, naktuk hian Flipkart leh Realme India website-ahte sale a ni dawn.

Coronavirus vanga in­kharkhip a nih tak avangin tlangzarh hun sawn a nih hnuah Realme Narzo 10A hi May khan tlangzarh a ni a, tlangzarh a nih aṭang hian an la flash sale reng a, naktukah hian an sale leh dawn a ni.

Flipkart leh Realme.com-ah naktuk chhun dar 12 aṭang hian an sale ṭan leh dawn a, Rs 8,499-in an zuar dawn a, rawng chi hnih- a pawl leh a var thlan tur a awm ang. Realme Narzo 10A hi budget phone, Rs 10,000 hnuai lamah chuan ṭha pawl tak tura ngaih niin review tawhte pawhin a man ngaihtuah chuan an fak hle.

Android 10 a hmang a, 6.5-inch HD+ (720x1,600 pixels) display hmangin octa-core MediaTek Helio G70 SoC hmangin 5,000mAh battery a hmang bawk.

 Specifications:-

    Performance    MediaTek Helio G70

    Storage    32 GB (Expandable upto 256 GB)

    Camera    12MP + 2MP + 2MP

    Battery    5000 mAh

    Display    6.5" (16.51 cm)

    Ram    3 GB

    Rear Camera    12 MP + 2 MP + 2 MP

    Front Camera    5 MP