Rogue One a la hlawk zel

Chawlhkar li chhung chu pakhatna a ni ta. North America box office-ah chuan Rogue One: The Star Wars Story paihthla thei movie a la awm lo.

Felicity Jones channa, Rogue one: A Stars Wars Story hian kar tawp ni thum chhung khan USD mtd 22 la lut lehin pakhatna a luah leh a, Underworld: Blood Wars pawhin a pha lo a, Underworld aia che ṭha zawk Hidden Figures pawhin pakhatna aṭangin a vawrh thla zo lo.

African-American hmei­chhe pathum, NASA-a thawk chanchin, Hidden Figures chu pa­hnihnaah a awm a, Rogue One nena an sum lakluh a inthlau lo hle. Hidden Figures hian kar tawp ni thum chhung khan USD mtd 21.8 a lalut a, Rogue One nena an inthlauhna hi USD nuai 2 chauh a ni.

Underworld: Blood Wars chuan pakhatna a luah pha lo mai pawh ni loin, top 3-ah a lang pha lo. He film siam nana an sum senso hi USD mtd 35 lai a nih laiin kar tawp ni thum chhunga a sum hmuh chhuah chu USD mtd 13.1 chauh a ni,

Box office movie

“Rogue One: A Star Wars Story” - $mtd 22

“Hidden Figures” - $mtd 21.8

“Sing” - $mtd 19.6

“Underworld: Blood Wars” - $mtd 13.1

“La La Land” - $mtd 10

“Passengers (2016)” - $mtd 8.8

“Why Him?” - $mtd 6.5

“Moana” - $mtd 6.4

“Fences” - $mtd 4.7

“Assassin’s Creed” - $mtd 3.8