Kumin Q1-ah Spotify Premium subscriber mtd 182 tling

Rin lawk aiin Spotify Premium subscriber hi an pung nasa!

Spotify Technology chuan Nilaini khan an quarterly revenue report tichhuakin kumin quarter hmasa ber (Q1) chhungin an sum hmuhna ber Premium subscriber chu maktaduai 182 lai an tling tawh tih an tarlang.

Nikum kum tawpah khan Premium subscriber hi mtd 158 vel an awm a, kumin Q1 chhung hian nasa takin a pung a ni. Advertisement-supported revenue pawh 31% laia pungin Rs Vaibelchhe 2,288 vel an hmu bawk.

Thla tina hmangtu, premium subscriber ni kher lo pawh report hmasa aiin 19% laiin an pung bawk a, kumin Q1 chhung khan thla tina regular-a hmangtu mtd 422 an awm. Swedish company hian an sum lakluh pawh 24% laiin a pung tih tarlangin Rs Vbc 21,598 vel Q1-ah an lalut a, hei pawh hi an beisei aiin a tam. An platform-ah chuan podcast ngaithlatu an pung nasa hle tih an tarlang tel bawk a ni.