Kim K rawkna thubuai

Nikuma Paris-a Kim Kardashian rawk a nih thuah French police-te chuan rinhlelh mi 17 an man tawh a, an man zing­ah hian Kim Kardashian leh an chhungkuain an hman ngun tak, hman hawh theih limousine motor driver pawh man tel a ni.

Police-in rinhlelh an man mi 17 zinga 14 hi mipa an ni a, hmeichhe pathum an awm bawk. French chanchinbu lian Le Monde-in a tarlanah chuan limo driver hi kum 27 mi an ni a, an man zinga upa ber chu kum 72 mi a ni a, Pierre B. tia a hming ziah a ni. A tarlan zel danah chuan he pa hi an zinga a meizanghlaptu bera ngaih a ni bawk.

Heng mi 17 te hi police te chuan Thawhṭannia an lakte kha an ni a, darkar 96 chhung an kawl ang. Kim Kardashian tlereuhte kha hralh a nih leh nih loh a la hriat loh.