Planned Parenthood duh vangin kawng zawhnaah milarte an tel dawn

January 20 khian Donald Trump chu US president atan lakluh a ni dawn a, hemi tuk chiah January 21 hian US sor­karin Planned Parenthood a thlawp ṭhat loh duh loh entir nan US hmun hrang hrangah kawng zawha duh lohna an lantir dawn a, hetah hian Jessica Chastain te, Julian Moore te leh Cher te pawh an tel ang.

Planned Parenthood Federation of America hi reproductive health lam organization a ni a, nau tihtlak thlengin he organization hnuaia mite chu an pui a, Republican Party hi nau tihtlak duh lotute an nih avangin he organization hi sumin an ṭanpui duh lo. Hetiang hi a nih avangin milar hmeichhe tam tak chuan thuneihna chang mai turte hi an duh lo hle a, hmeichhia­te dikna leh chanvo rahbehsaktuah an ngai.

Duh lohna an lantir tur hi Woman’s March a ni a, kawngzawhpui ber tur hi Washington DC-a buatsaih tur a ni a, hetah hian Cher teho bakah Scarlett Johansson te, Chelsea Handler te pawh an tel.