Hillsong United-in album thar “Are We There Yet?” tichhuak

Khawvela worship band ngaihven hlawh ber zinga mi Hillsong United chuan Zirtawpni liam ta khan album thar 'Are We There Yet?' an tichhuak.

Hillsong United album tharah hian hla ṭha tak tak 15 lai a awm a, chung zingah chuan single-a an tihchhuah tawh 'Know You Will', 'Sure Thing' leh 'On Repeat'-te pawh a tel a, an tlangzarh ni, Zirtawpni khan ram hrang hrangah he hlate hi vawi maktaduai 50 an stream tling tawh hial a ni.

Joel Houston chuan,"'Are We There Yet?' hian hun lo awm leh tur lam a hawi a ni.....Beiseina a ni, ni rei tak hnuah tlaiah ni a tla a, naktukin eng nge a rawn her chhuah leh dawn phur tak chunga lo nghahhlelh ang hi a ni, tia sawiin,"Ni tla leh a tuk ni chhuak tur inkara awm a ni ber a, i kalsan tawh leh i dai tur lam chungchang a ni," a ti.

Hillsong ṭhalai rawngbawlna peng pakhat ni tura kum 1998-a din Hillsong United hian live album leh studio album 16 lai an tlangzarh tawh a, 'Are We There Yet?' hi 17-na chiah niin a hit leh hle a rinawm.

An album thar hi streaming platform hrang hrangah ngaihthlak theihin a awm tawh a, worship music lam tuipuitute tan chuan ngaihven chi hle ang.

'Are We There Yet?'-a hla awm te:-
01. Days Like These
02. All This Future
03. Deeper Water
04. Show Me Your Heart
05. On Repeat
06. Delightful (The Sower Never Wastes A Tear)
07. God Song
08. Have Mercy On Me Now
09. Blown Away
10. I Know What Love Is
11. Know You Will
12. Sure Thing
13. Not Afraid
14. MMXXII
15. Chariot