'The Hunger Games' Prequel Movie tlangzarh hun tur a hriat ta

'The Hunger Games' Prequel Movie 'The Ballad of Songbirds and Snakes' chu nakkum November thlaah tlangzarh a ni dawn.

Film series hlawhtling tak 'The Hunger Games' prequel movie siam a ni dawn tih hi chu sawi lana a awmna a rei tawh a, tunah chuan tlangzarh hun tur pawh a chiang ta a, November 17, 2023-ah an tlangzarh dawn a ni. Hemi chungchang hi Las Vegas lama neih CinemaCon-ah kar hmasa Ningani khan puanzar a ni a, a changtu turte erawh chiang takin an la puangzar lo. Hetih lai hian film hmasa pathum direct-tu Francis Lawrence chu director tur a ni leh dawn tih erawh a chiang tawh.

Suzanne Collins' lehkhabu thar ber, kum kal ta lawka a tlangzarh behchhana siam a ni dawn a, 'The Hunger Games' film hmasa ber hmaa thil thleng anga chan tur niin Hunger Games film-a Donald Sutherland-a'n a lem a chan Coriolanus Snow naupang deuh lai chanchin a ni dawn.