A vawi khatna atan Blake Lively-i'n film direct dawn

'Gossip Girl' star Blake Lively chuan a vawi khatna atan film a direct dawn.

Ryan Reynolds nupui Blake Lively film direct tur hi 'Seconds' tih a ni a, 'Seconds' tih tho lehkhabu, Bryan Lee O’Malley graphic novel behchhan tur niin hmeichhe pakhat Katie Clay, a thiltih sualte a ziak chhuaka siam ṭha leh thei chungchang a ni dawn.

'Scott Pilgrim Vs the World'-a sulhnu ṭha tak lo hnutchhiah tawhtu Edgar Wright chu screenplay lam buaipuitu tur a ni dawn a, Marc Platt nen an produce dawn bawk.

Blake Lively hian film pangngai la direct lo mah se a ṭhiannu Taylor Swift ‘I Bet You Think About Me (Taylor’s Version)’ music video kha a lo direct sak tawh a, ACM Awards lamah pawh nomination pahnih lai a lo hmuh phah tawh a ni.