Mission: Impossible 7 official title an puangzar

Mission: Impossible 7 chuan official title a nei ta a, 'Mission: Impossible — Dead Reckoning Part One' tih a ni dawn.

CinemaCon lamah Paramount Pictures panel chuan hei hi an puangzar a, Mission: Impossible 8 chu 'Mission: Impossible — Dead Reckoning Part Two' tih a ni ngei dawn niin a lang bawk.

'Mission: Impossible — Dead Reckoning Part One' hi July 14, 2023-a tlangzarh tur a ni a, Mission: Impossible 8 thleng hi an siam dawn niin media ṭhenkhat chuan an tarlang a, chumi hnu lamah chuan Ethan Hunt lemah Tom Cruise a chang zui tawh dawn lo niin an sawi.

Film title an puanzarnaah hian Paramount Pictures panel lamah Tom Cruise hmuh tur a awm lo a, MI8 an chan mek avangin panel lamah a inlan thei lo a ni.

Simon Pegg, Rebecca Ferguson, leh Vanessa Kirby-te chu an inlan leh ngei dawn a, anni bakah hian Hayley Atwell, Indira Verma leh Pom Klementieff-te pawh inlan tur zingah an tel. Dead Reckoning Part One hi nakkum lamah an tlangzarh ang a, Dead Reckoning Part Two erawh 2024 lama tlangzarh hman an tum thung.