'Maestro'-a chang tur zingah Maya Hawke

Stranger Things star Maya Hawke chu Bradley Cooper film siam tur Leonard Bernstein biopic 'Maestro'-ah a chang dawn.

Kum 23 mi American lemchan thiam hi a changtu ber zinga a tel dawn a, Carey Mulligan leh Matt Bomer-te nen an chang ho dawn a ni. Bernstein fanu Jamie lemah a chang dawn niin an sawi.

He film hi thla leh lamah hi chuan chan ṭan hman an tum a, Cooper, Martin Scorsese, Steven Spielberg, Kristie Macosko Krieger, Fred Berner leh Amy Durning-te chu producer tur an ni bawk.

Maya hi lemchan thiam Ethan Hawke leh Uma Thurman-te fanu niin a nu leh pate hnungzuiin film eng emaw zatah a chang tawh a, Stranger Things-a a inlan vangin Saturn Awards-te pawh a dawng tawh a ni.