Jennifer Hudson-i’n music chawlhsan hman Ṭep

Kum 2008 khan Jennifer Hudson chhungkuain harsatna leh thil rapthlak tak an tawng a, a nu leh a nuṭa leh a vahte an thahsak. Hetiang thil a tawn vel lai leh a hnu deuh thlengin Jennifer Hudson rilru a pangngai har hle a, hei vang hian music chawlhsan pawh a tum hman hial.

American Idol aṭanga khawvelin a hriat Jennifer Hudson hian hun harsa tak a tawh lai hian a rilru a buaiin a mangang hle a, hei vang hian music chawlhsan pawh a tum hial. An makpa, William Balfour chuan a chhungte hi a that a, Hudson hian an makpa, tualthattu hi ngaihdam harsa a ti a, a thinlung a hrehawm hle. A hnuah a ngaidam thei a, chumi hnuah chuan a nun a pangngai chho leh ta a ni.

Hudson hian a chunga harsatna thleng a sawi chhuah leh pah hian zai chawlhsan ta se a nun a hrehawm viaua a rin thu a sawi bawk. A naupanlai aṭanga zai ṭhin a ni a, biak in aṭanga zai ṭan a ni. Tun thlengin zai chu a nuna thil pawimawh tak a ni a ti.