William te nupa hnenah lalna hlan dâwn!?

Gossip (thu lêng vel) a la nih hmel a, a tak tak a nih leh nih loh hriat a la har deuh. Khawthlang chanchinbu ṭhenkhat chuan Queen Elizabeth hian a lalna hi a tupa, Prince William leh a nupui, Kate Middleton te hnenah a hlan dawn an ti.

Hetiang chanchin tarlang hmasa bertu chu Star chanchinbu a ni. He chanchinbuin a tarlan dan chuan Queen Elizabeth II hian a hriselna a ṭhat tawh loh avangin Duke leh Duchess of Cambridge te hnenah lalna hi a hlan dawn.

He chanchinbu hian a sawi chipchiar zek lehnghal a, Elizabeth-i hian a tupa lallukhum an khumtir lai hmuh ngei a duh a la ti leh ta zel a, tun nipui hian lallukhum khumtirna hun hman a nih tur thu nen a tarlang.