Gaming News Star Wars Jedi: Fallen Order 2 nakkumah tlangzarh dawn

Star Wars Jedi: Fallen Order 2 chu nakkumah tlangzarh a ni dawn a, PlayStation 5, Xbox Series S/X, leh PC-a khelh theih turin an tlangzarh dawn.

Electronic Arts leh Respawn Entertainment chuan kum 2019-a tihchhuah Star Wars Jedi: Fallen Order chhunzawmna hi kumin October thla hian tlangzarh hman an tum niin report hmasa lamah chuan an tarlang tawh a. mahse VentureBeat Jeff Grubb chuan tunhnai khan a Giant Bomb podcast lamah nakkum lamah tlangzarh a nih dawn thu hi a sawi a, he game ngainatute chuan an la nghah leh deuh rih a ngai dawn niin a lang.

Grubb sawi dan chuan May 26 leh May 29-a Anaheim Convention Centre-a neih tur Star Wars Celebration event-ah he game hi EA lam chuan official-in an puangzar dawn tih a sawi bawk.

Kum 2019-a tlangzarh action-adventure video game Star Wars Jedi: Fallen Order kha critics lamin an fak bawk a, a hlawhtlin pawh a hlawhtling hle a, kum 2020-ah khan copy maktaduai 10 chuang an hralh hman a ni.