Avora Record hla thar a mawi

Mizo rock band ṭha ber zinga mi Avora Records chuan Pathianni khan music video thar 'Misfits' an tichhuak a, ngaihthlak a manhla hle.

Avora Records hla thar hi Toi Intoate produce niin K&P Records kut chhuak a ni a, an zai ngainatute leh an rimawi ngainatute tan chuan hla mawi tak a ni dawn tih a chiang. An hla thluk leh music a mawi a, music video hmuh a nuam viau bawk.

Music video bikah chuan tunhnaia hmarchhak hmun hrang hranga an zinkualna hmuh tur a awm a, Ruata guitar solo pawh a mawi lehpek hle. An YouTube channel lamah duh hun huna hmeh chhuah theihin an dah chhuak tawh a, an zai ngainatute tan chuan ngaihven ran chi a ni ang.