The Marvels leh Ant-Man and the Wasp: Quantumania tlangzarh hun tur thlak thleng

MCU film lian pahnih leh fan-te'n an nghahhlelh The Marvels leh Ant-Man and the Wasp: Quantumania tlangzarh hun tur chu an thlak thleng.

Ant-Man film pathumna tur hi ruahmanna hmasaah chuan July 28, 2023-a tlangzarh tur a ni a, mahse February 17-a tlangzarh turin an sawn hma. Hetihlai hian February 17-a tlangzah tura an ruahman Captain Marvel chhunzawmna The Marvels chu July 28-ah an tlangzarh dawn thung.

Ant-Man and the Wasp: Quantumania-ah hian Paul Rudd, Evangeline Lilly, Michelle Pfeiffer, Michael Douglas, Jonathan Majors, leh Kathryn Newton-te chu an inlan leh dawn a, Peyton Reed bawkin a direct leh ang.

The Marvels erawh director thar Nia DaCosta chuan a buaipui thung a, Brie Larson, Samuel L. Jackson, leh Teyonah Parris-te kan hmuh dawn bakah Iman Vellani pawh a inlan dawn a ni.

MCU film hi kuminah pawh kan hmu nual dawn a, Doctor Strange in the Multiverse of Madness chu May 6 hian an tlangzarh tawh dawn a, tunhaia trailer thar an 'drop' Thor: Love and Thunder chu July 8-a tlangzarh tur niin Black Panther: Wakanda Forever chu November 11-ah an tlangzarh thung ang.