DC’s Legends of Tomorrow CW-in titawp

DC’s Legends of Tomorrow chu season sarih lai tihchhuah a nih hnuah CW chuan a titawp.

Co-showrunner leh executive producer Keto Shimizu chuan Zirtawpni liam ta khan hemi chungchang hi sawi chiangin CW lam chuan Legends of Tomorrow season 8 siam a ni tawh dawn lo tih min rawn hriattir a ni, a ti a, hrehawm an tih thu leh he series-a changtute, crew leh writer-te chungah an lawm thu a sawi bawk.

DC Comics Legends of Tomorrow, TV series-a siam hi Arrowverse-ah siam a ni a, January 2016 aṭang khan tihchhuah ṭan niin kumin March 2 khan season 7 episode tawp ber chu an tichhuak tawh a ni.