Visually impaired India princess 2nd runner up Mizo nula Ludy

Edit personal care Mumbai chuan India rama hmeichhia mitdel kum 18 leh 30 inkar tan kum 2017 aṭang khan beauty pageant a buatsaih ṭhin a, he beauty pageant hi Princess India tih a ni. Kuminah pawh buatsaih lehin Mizo nula Ludy Chhachhai chu 2nd runner up a ni. 2nd runner up hi pahnih awmin pakhat zawk chu Gujarat nula Hoor Ninwalla a ni thung.

Princess India 2022 chu Ankhita Sedev, Punchkhula khua Haryana state a mi a ni.

He beauty pageant-ah hian nula 63 an tel a, Edit Personal care hotu Dr Sameer Mansuri chuan ‘beauty pageant kan siamna chhan ber chu India ram hmeichhe mitdel ten an mahni chhawk phurtu leh Khawvel tukverh a an dah chhuah theihna hun kan siamsak a ni’ a ti.

Kum 24 mi Ludy Chhachhai hi Siaha khua a ni a, Chhachhai hi Mara ṭawng a Chhakchhuak tihna a ni. Tunah Diet Hostel, Chaltlang, Aizawlah awmin Mitdel zirlaite tan bik a special educator ni turin B. Ed final year a zir mek. Naupangté a nih laiin mit cancer vangin a mit a del a, amaherawhchu chhuanlama hmang duh loin theihtawpin lehkha a zir chhunzawm a ni.