The Bad Guys bawkin ro a la rel

Box Office-ah The Bad Guys bawkin ro a rel leh a, film thar lian tham han ngaihven hluai tur tlangzarh awm lo.

Kar tawp Box Office-ah khan kar hmasa lama sum lalut tam ber The Bad Guys bawk pakhatna a ni leh a, theatre 4,042 aṭangin $16,237,070 a lalut. He film hian US ni lo ram dang aṭangin $74,728,000 a lalut tawh bawk a, a sum lakluh tawh zawng zawng zat chu $119,309,470 a ni tawh.

Box Office chart tharah thil danglam lian tham a awm loa, Sonic the Hedgehog 2 bawk pahnihna ni lehin kar hmasa lama pathumna, beisei anga che ṭha tawk lo Fantastic Beasts: The Secrets of Dumbledore chu pathumna a ni leh bawk.

Action thriller film tlangzarh thar Memory chu pariatna a ni pha ṭawk a, top 10-a film thar lang awmchhun a ni. He film hi critics lamin an dim lo hle nghe nghe a, faktu aiin sawiseltu an tam zawk. Rotten Tomatoes lamah rating 4.7/10 chiah a hmu a ni. Critics lamin dim viau lo mah se Liam Neeson, Guy Pearce leh Monica Bellucci-te channa a ni miau a, hmuhnawm ti tak tak chu kan tam thoin a rinawm.

Box Office top 10:-
1 The Bad Guys $16,237,070
2 Sonic the Hedgehog 2 $11,539,162
3 Fantastic Beasts: $8,307,585
The Secrets of Dumbledore
4 The Northman $6,367,130
5 Everything Everywhere All at Once $5,542,515
6 The Unbearable Weight of Massive Talent $3,870,442
7 The Lost City $3,818,876
8 Memory $3,113,298
9 Father Stu $2,202,878
10 Morbius $1,513,341