Harry Styles 'As It Was' a la 'HOT' zel

Billboard Hot 100-ah Harry Styles 'As It Was' bawk a la 'hot' ber a, kar thum chhung pakhatna a ni tawh.

One Direction star hian he hla hi Hot 100 chart-ah hian kar li chhung a lanpui tawh a, kar khat kha pahnihnaah tla thla zawkin a bak zawngah chuan pakhatna a nihpui ta zel a ni. Harry Styles hian Billboard Global 200 chart leh Billboard Global Excl. US chart-ah pawh he hla hi pakhatna a la nihpui chhunzawm zel a, a tihchhuah aṭangin a la 'hit' chho char char a tih theih. Artist 100 chart lamah erawh Harry Styles hi palina a ni thung.

Hot 100 chart topper pawh lo ni zuai tawh Jack Harlow 'First Class' chu pahnihna bawk a ni leh a, Glass Animals hla hit 'Heat Waves' chu pathumna a ni bawk.

Billboard 200 chart lamah erawh roreltu thar an awm a, Pusha T chuan a album thar 'It's Almost Dry' chu pakhatna a nihpui nghal. He album hian kar hmasa chhung khan equivalent album units 55,000 a hmu chhuak a, chuta ṭanga 9,000 chu album a hralhna aṭanga a hmuh chhuah a ni.

Morgan Wallen 'Dangerous: The Double Album' chu pahnihna a la ni a, Lil Durk '7220' chu pathumna a ni thung.

The Hot 100 top 5:-
1 As It Was Harry Styles
2 First Class Jack Harlow
3 Heat Waves Glass Animals
4 Big Energy Latto
5 Enemy Imagine Dragons X JID

Billboard 200 top 10:-
1 It's Almost Dry Pusha T
2 Dangerous: The Double Album Morgan Wallen
3 7220 Lil Durk
4 Sour Olivia Rodrigo
5 Encanto Soundtrack
6 Planet Her Doja Cat
7 Certified Lover Boy Drake
8 Georgia Jason Alen
9 DS4Ever Gunna
10 My Turn Lil Baby