Jack Harlow Album thar turah Dua Lipa tih hla a awm!

■ Drake, Pharrell, Justin Timberlake, Lil Wayne a thawhpui ■

Grammy-nominated rapper Jack Harlow chuan Zirtawpni hian a album pahnihna 'Come Home the Kids Miss You' a tichhuak dawn a, track list tichhuakin, track list aṭang ringawt pawhina fan-te an phur tawh viau.

A album thar turah hian hla 15 a awm dawn a, chung zinga hla pakhat chu 'Dua Lipa' tih a ni a, producer Timbaland chuan Instagram kaltlangin Thawhṭanni khan 'Dua Lipa' hla sneak-peak clip tawite a tichhuak a, a hlathu chuan ngaihven a hlawh hle nghe nghe. Hemi chungchangah hian Dua Lipa chuan engmah a sawi loa, a hlathu erawh a 'lerh' angreng viau a, Dua Lipa ngaihdan hriat a chakawm viau.

Harlow hian a album thar tura hla 'First Class' leh 'Nail Tech' chu single-in a tichhuak a, a hit pawh a hit dun hle a ni.

'Movie Star' tih hlaah Pharrell Williams a thawhpui a, 'Churchill Downs'-ah Drake chu thawhpui thungin 'Parent Trap'-ah Justin Timberlake a thawhpui bawk a, Lil Wayne chu 'Poison' hlaah a thawhpui bawk.