Fast X director thar Louis Leterrier

Fast X director Justin Lin ban tak avangin Louis Leterrier chuan Fast & Furious film thar ber tur Fast X chu a direct dawn.

French filmmaker Louis Leterrier hian film lar tak tak a lo direct tawh a, chung zingah chuan 'Clash of the Titans', 'Now You See Me', 'The Incredible Hulk' leh 'The Transporter'-te pawh kha a tel.

Justin Lin kaihhruaina hnuaiah hian Fast X hi eng emaw chen an chang tawh a, mahse a ban tak avangin hun eng emaw chen chu an chawl lailawk leh tawh a, tunah chuan director thar an nei leh ta a ni. Justin Lin hian 'The Fast and the Furious: Tokyo Drift', 'Fast Furious', 'Fast Five', 'Fast Furious 6' leh 'F9'-te kha a direct a ni.

Justin hian producer erawh a la nih chhunzawm dawn tih thuchhuah a siamah a lo sawi tawh a, boruak ṭha tak chungin direct hna chu a bansan tih a lo sawi tawh bawk.