Rock & Roll Hall of Fame Class of 2022 chu hei le!

Rock & Roll Hall of Fame 2022 inductee-te chu Nilaini khan puanzar ani ta a, Pat Benatar, Lionel Richie, Eminem, Carly Simon, Harry Belafonte, Duran Duran, Eurythmics leh Judas Priest-te chu lakluh tur zingah an tel a, anni bakah hian nominee zinga a tel avang ringawt pawha ngaihdan titamtu Dolly Parton chu a tel bawk.

John Sykes, Rock & Roll Hall of Fame Chairman chuan,"Darhsarh tak awmkhawmna inductee group chuan youth culture-ah nghawnga neih bakah rock & roll hawi lam thlak turin a ṭanpui a ni," a ti. An rimawite chuan chhuan hrang hrang khawihin artist tam tak a influence a ni, a ti bawk.

Dolly Parton hian March thlaa inductee nomination an tihchhuah khan amah avanga vote a darhsarh tur chu a duh loh thu leh inhnuhdawh mai a hreh loh thu a sawi a, chu chuan sawizui a hlawh. Mahse a hnuah lakluh tura thlan a nih chuan a pawm dawn thu a sawi leh tho a ni.

Rock & Roll Hall of Fame Class of 2022 lakluhna inkhawm chu November 5 hian Microsoft Theater, Los Angeles-ah neih a ni dawn a, artist/band 14 an lalut dawn a ni.

Rock & Roll Hall of Fame-a lakluh ni tur hian kum 25 liam taah khan an commercial record hmasa ber an tihchhuah a ngai tawh a, Eminem hi a vawi khatna atan nominee a ni thei ve chiah a, lakluh zingah a tel nghal thung ang. Kumin hi Rock & Roll Hall of Fame induction ceremony kum 37 an neihna tur a ni tawh dawn a, HBO leh HBO Max-te chuan (live loin) an pe chhuak ang.

Rock & Roll Hall of Fame Class of 2022 te chu:-
Performer Category
- Pat Benatar
- Duran Duran
- Eminem
- Eurythmics
- Dolly Parton
- Lionel Richie
- Carly Simon

Musical Excellence Award
- Judas Priest
- Jimmy Jam & Terry Lewis

Early Influence Award
- Harry Belafonte
- Elizabeth Cotten

Ahmet Ertegun Award
- Allen Grubman
- Jimmy Iovine
- Sylvia Robinson