'What Happens Later'-ah Meg Ryan a chang ang a; a direct dawn bawk

American lemchan thiam Top Gun leh film lar tak tak eng emaw zata inlan tawh Meg Ryan chuan film thar tur 'What Happens Later' chu a direct dawn bakah a changtu zingah a tel dawn bawk.

Kum 60 lai ni ve tawh Meg Ryan hi David Duchovny nen an chang dun dawn. He film hi romantic comedy a ni dawn a, Steven Dietz lehkhabu ziah 'Shooting Star' behchhanin an siam dawn a ni.

Script pawh Steven Dietz leh Meg Ryan-te'n an ziak dun dawn a, nakkum lamah tlangzarh hman an tum a, Bentonville, Arkansas lamah kumin chawhnu lamah hi chuan chan ṭan hman an tum.

'What Happens Later' hi Meg Ryan film direct hmasak ber tur a ni loa, kum 2015-a tihchhuah 'Ithaca' kha a direct niin amah ngei pawh a inlan a nih kha.