Kim K rawk thuah mi pali khung hrang

Paris Police-te chuan Kim Kardashian rawk a nih thuah thu mum an nei ṭan a, rinhlelh mi 17 an man aṭang mi palite chu Kim K rawktu anga ngaih an ni ta ber.

Mi palite hi Yunice A., kum 63 mi, a hma pawha inrawkna chi hrang hrang leh inrukbona thil vela thubuai lo nei tawh a ni a, pakhat dang chu kum 44 mi, Florus H niin, Yunice anga thubuai lo nei tawh tho a ni. Kum 64 mi hmeichhe dang pakhat a awm bawk a, ani hi rukrute thil ruk hralh dan tur lo buaipuisaka ngaih a ni a, a ukil erawh chuan chutiang a ti ngai lo niin a sawi.

Midang pakhat leh chu kum 27, mipa, Gary Madar a ni. Gary Madar hi Kardashian chhungkuain driver atana an hmang ṭhin, kum 47 mi Michael Madar-a unaupa a ni. An unau hian UNIC Worldpass car service-a thawk an ni. Heng mi palite hi Ningani khan French judge hmaah an inlan.

Thawhṭannia rinhlelh mi 17 an man zinga midang parukte chu jail-ah kawl an ni a, nimin khan court hmaah an inlan ve leh bawk. Nikum October-a Paris-a Kim Kardashian rawk a nih khan a tlereuh USD mtd 4 man vel zet ruksak a ni.