Khawvelah Big Bang an ropui ber!

K-Pop band zingah rau rau, Big Bang chu khawvel­ah an ropui ber a, an music video-in entu a ngah ber.

Hun eng emaw chen music an chawlhsan hnuah Big Bang an rawn kir a, an rawn kir thlawn lo e. Music video pahnih an tichhuak a, K-pop group hrang hrangten an tluk lo nasa hle. YouTube-in a report danin, nikum chhung khan Big Bang music video ‘Fxxk It’ chu K-pop music video zingah khawvela entu ngah ber a ni. Hei mai bakah America chhungah entu a ngah ber bawk.

An music video dang ‘Last Dance’ pawh a turu viau tho a, US bik leh khawvel huap pawhin, K-pop music video zinga entu ngah ber dawttu a ni. Chanyeol leh Punch te hla ‘Stay with me’ chu pathumna a ni a, US-ah pawh pathumna a ni. Khawvel huap bikah hian EXO hla ‘For Life’ chu entu ngah ber palina a tling pha a, US-ah chuan Seventeen hla ‘BoomBoom’ chu palina a ni a. K.A.R.D hla ‘Oh NaNa’ chu pangana a ni a, khawvel huap erawh chuan Crush hla ‘Beautiful’ chu pangana a ni.