Presbyterian Choir music video thar

Ningani zan khan Presbyterian Choir, Lunglei chuan music video 'Lalpa ta' tih chu an tlangzarh.

'Lalpa ta' music video, Presbyterian Choir sak hi Rev. RC Lalnghakliana, Lunglei Synod Office-a Administrative Secretary chuan Synod Conference Hall, Lungleiah a tlangzarh.

Presbyterian Choir hi Mi­zoram Synod-in a enkawl zaipawl pathum zinga mi a ni a, kum 2007 khan Lunglei Town Committee, Presbyterian Church chuan a din. Tuna an conductor hi Calvin Lalchawimawia a ni a, Director hi T. Upa Dr. Ramdinthara Sailo a ni a, ani hi fakna hla ṭha tak tak phuahtu a ni.

Presbyterian Choir hian album siam tumin an inruahman mek a, album hi kum chhung ngeia tih­chhuah an tum. Tuna an music video pawh hi an album hmahruai atana an tihchhuah a ni.