Glee star Naya Rivera a bo
Glee star Naya Rivera chu Nilaini khan Los Angeles hmartlang lama awm Lake Piru-ah a bo tih Ventura County Sheriff office chuan a tarlang.
Naya Rivera hi a fapa kum li mi nen lawng hawhin dilah hian an kal a, lawng an hawh chhuah aṭanga darkar thum hnuah hian lawng danga chuangte chuan lawngah chuan a fapa a mah chauha a awm chu an hmu a ni. A fapa chuan a nu zawngtute hnenah chuan a nu nen chuan tui an cheng tih leh a nu chu lawngah chuan a kir ve tawh loh thu a hrilh.
Naya Rivera hian Thawhlehni pawh khan a fapa nena an thlalak hi social meida-ah a la post a, Nilainiah erawh chin hriat lohin a bo ta a ni. Ventura County Sheriff office chuan Rivera chu an zawn mek thu an sawi. TV show lar tak ṭhin Glee-a Santana Lopez role play-tu Naya Rivera hi kum 2014 khan lemchan thiam tho Ryan Dorsey nen an innei a, mahse kum 2018 khan an inṭhen a ni.