Demi Lovato-in a taksa nalh lo lai ngaihtuahtir tuah music industry puh

American singer Demi Lovato chuan music industry chuan a hla thu aiin a taksa thau lai leh nalh loh lai a ngaihventir zawk tih Bustle-in an kawmnaah a sawi.

Demi hi Bustle-in an cover photo-ah an hmang a, hemi atana an interview-naah hian Demi chuan, "A hma kha chuan photoshoot ka neih dawnin ka taksa nalh ka tih loh avangin shooting neih hma zanahte engmah ka ei ngai lo. Mahse tunah chuan khawvel thar ka hmachhawn tawh a, photoshoot atan hian a hmain ei leh in lamah ka lo inhrek tawh ngai lo a ni," a ti.  

"Naupang te ka nih aṭangin music hian ka nunah hlimna min pe nasa ṭhin hle a, mahse ka lo lian chho zel a music industry chuan ka hlimna chu min laksak ta a ni. Chuvang chuan a hma ang khan hun thim tak hnuaia nun hman ka duh tawh lo a ni," tiin a sawi. A taksa nalh lo lai ringawt a ngaihtuah avangin hun hrehawm tak a hmachhawn tih a sawi. Hla thu leh a hla thuin eng nge a tum tih lam chauh ngaihtuah chunga music lama thui tak ke pen a tum tawh zawk a ni. Covid-19 hri leng vanga inkharkhipna chuan nun hlimna a pek thu a sawi thung a, a bialpa Max Ehrich chuan a nunah hlimna nasa tak a thlen niin a sawi.