Jt. Production album thar 'Rimawi dul' a hnai

'A thûk tawh' hmanga Zofate min awi mektu Jt. Production chuan May 13, karleh Zirtawpniah album thar a tichhuak dawn.

Jt-a hian a hma pawhin album tichhuak tawhin tuna a tihchhuah leh tur 'Rimawi dul' hi a album pahnihna tur a ni dawn. Hla awm turte hriat chiah la ni lo mah se hla 10 a awm dawn a, single-a a tihchhuah tawh sa hla pali bakah hla thar paruk ngaihthlak tur a awm dawn tih erawh Vanglaini a hrilh.

Mizo lengzem singer zinga mite'n a zai an ngainat ber pawl Jt-a album thar tur hi ngaihthlak a manhla dawn tih a chiang. Jt-a hi a hla tihchhuah tawhah 'mawi lo' a 'awm lo' ti ila kan sawi sual awm lo e. Tunah album a tichhuak tur hi nghakhlel fe fe an tam ang tih a rinawm. Karleh lamah chiang zawkin a album thar tur chungchang hi hriat theih a rinawm a, tun aṭanga kar khar a liam leh chuan a album pum a ngaihthlak theih tawh dawn a ni.