2022 Met Gala aṭangin $mtd 17.4 hmu chhuak

Milarte nalh tak leh dangdai tak taka incheia an fuankhawmna 2022 Met Gala-ah khan $maktaduai 17.4 an hmu chhuak tih museum official-te chuan an sawi.

Kum tina buatsaih ṭhin Metropolitan Museum of Art Costume Institute tana fundraise event Met Gala hi kumin chuan Thawhṭanni liam ta khan neih a ni a, 'In America: An Anthology of Fashion' chu thupuiah an hmang. Kum 2020 khan Met Gala hi hripui leng vangin an nei loa, kum dangah May thlaah nei tlangpui mah se nikumah khan hrileng vang bawkin September thlaah an nei chauh. Museum thuneitute chuan nikum leh kumin Met Gala aṭanga an sum hmuh chhuah belhkhawm chu $mtd 33.7 lai a ni tih an sawi bawk.

Kumin Met Gala-ah khan mi 400 vel an kal a, khawvel huap milar ṭhahnem tak an fuan khawm a ni.