Petrucci-a'n Portnoy nena thawhdun leh nuam a ti

Tunhnai lawk khan Dream Theatre drummer hlui Mike Portnoy chuan Dream Theatre guitarist John Petrucci chu a solo album thar turah a pui tih sawiin, hlimawm a tih thu a lo sawi tawh. Petrucci pawh hian official Dream Theatre fan club-te nena chat an neihnaah Portnoy thawhpui leh chu hlim­awmin nuam a tih thu a sawi.

"Mike-a'n ka record thar turah drums a vaw dawn a, a hlimawm hle. Ka solo album hmasa ber 'Suspended Animation'-ah khan Dave LaRue chuan a lo vaw tawh a, G3-ah pawh Mike Portnoy ang bawkin vawi eng emaw zat ka tour pui tawh. Portnoy erawh hi chu G3 hmasa ber, kum 2001 vel aṭang khan ka tour pui tawh. Ka record thar tura Mike-a'n drums min play sak hi a 'cool' hle a, experience ṭha tak a ni," tiin a sawi.

Petrucci chuan solo album thar a siam dawn tih Portnoy hnena a hrilh chuan Portnoy chu a phur hle tih sawiin, puih a ngaih chuan a inhuam hle tih a hrilh thu a sawi a, ani pawh chuan a ṭawngkam ṭha chu a umzui dawn thu a hrilh ve bawk tih a sawi a ni.