Kum 2016 chhunga in hralh to ber Hong Kong in man to

Nikum chhung khan khawvel hmun hrang hrangah chênna in man to tak taka hralh a ni hlawm a, chung zinga an hralh to ber chu Hong Kong-a mi a ni.

Hong Kong-a Peak district-a 15 Gough Hill Road-a mi hi nikum chhunga chhinchhiah china in hralh to ber a ni. USD mtd 270 zeta hralh a ni. China ram hi a ṭhang nasa a, chuvang chuan in leh lo pawh an nei ṭha tawhin, an hralhna pawh a to tawh hle. China mainland pangngaia in hralh to ber chu Suzhou-a mi, Taohuayuan a ni a, khawvelah pawh pahnihna a tling pha a, USD mtd 154-a hralh a ni.

Dallas, Texas-a mi Crespi Hicks Estate chu nikum khan USD mtd 100-a hralh a ni a, US-ah chuan an hralh to ber a ni a, khawvelah pathumna a tling. Playboy Mansion, Los Angeles-a mi hi hralh toah pathumna tho a ni a, USD mtd 100-a hralh a ni. He in neitu Hugh Hefner chuan a tir tak chuan a in hi USD mtd 200-in a zuar a, a man zat ve zetin a hniam. Los Angeles-a mi tho 301 North Carolwood Drive pawh USD mtd 100-a hralh a ni a, New York-a 432 Oark Avenue-a Penthouse chu USD mtd 87.7-a hralh a ni bawk.