Kutcher-a’n Natalie Portman a thlawp

Hollywood-ah hmeichhe hlawhin mipa hlawh a phak loh nasat thuah Natalie Portman chuan hman ni khan Ashton Kutcher nena film an chan dunṭuma an hlawh inthlauhzia a sawi chhuak a, Ashton Kutcher chuan Portman hi a thlawp thu a rawn sawi chhuak.

Kum 38 actor Ashton Kutcher hian Portman thusawi kha a dik tih rawn nemnghetin, mipa leh hmeichhe hlawh inthlau lutuk kawnga a hmalaknaah a thlawp tih a sawi. Kutcher chuan, Portman hi a chhuang hle tih a sawi a, ani bakah hlawh intluk an neih theih nana hma latu hmeichhiate tan ani pawh a ding reng tih a sawi.

Kutcher leh Portman te hi kum 2011 khan No Strings Attached tih film an chang dun a, hemi ṭum hian a changtu ve ve ni mah se, Portman hlawh aiin Kutcher-a hlawh hi a let thum vel zetin a tam zawk.