Super Bowl-ah Gaga bulah Diplo

Kumin Super Bowl half time show-a che tur chu Lady Gaga a ni a, Lady Gaga hi a mal dawn lo a, Diplo nen an che vel dawn niin an sawi.

Music khawvela hlawhtling DJ Diplo hian Lady Gaga nena Super Bowl half time-a an zai dun tur thu hi Twitter-ah a tarlang. Eng hla nge an sak ang tih erawh a la hriat mai lo a, Gaga bik hian Grammy a dawnna hla ‘Bad Romance’ a sak ngei rin a ni a, hei bakah hla dang eng nge a sak ang tih a la sawi lo. Super Bowl vawi 51-na hi February 5 khian neih a ni ang.