Fakna chart hmasa berah Nunui a chungnung

Kum 2016-a Hontrade International Ṭhazual Fakna chart tih­chhuah hnuhnun berah khan Lalremsiami, Nunui tia koh hla 'Ka vui lo Lalpa' tih chuan pakhatna a luah a, kum 2017-a fakna chart tihchhuah hmasak berah Nunui hian ro a rel zui nghal.

Hman ni lawka music video tichhuak lehnghal mai Nunui hian nikuma a lo hlawhtlinpui 'Ka vui lo Lalpa' tih hmangin kum 2017-a Hontrade International Ṭhazual Fakna chart-ah pakhatna a rawn luah leh.

'Ka vui lo Lalpa' tih hla hi Parema hla phuah a ni a, a album thar ber, nikuma a tihchhuah pawh kha he hla hming hi a puttir. He hla hi Pareman a hun tawn hrehawm takah pawh Pathian laka a vui lohzia a phuah chhuahna hla a ni. Nunui hian thiam takin a rawn sa a, a hmaa Parema album tihchhuaha a album hming put chhan 'Ka rin­chhan Lalpa' pawh kha amah bawk hian a sa.

Mizo Idol 2013-a pahnihna Lalhlumawii chu pathumna aṭangin pahnihnaah a rawn chho a, a hmaa pahnih, Matthaia Group KṬP hla 'Ka ring zel ang che' tih chu panganaah a chhuk thung. Mawitei ft Open Strings hla 'A vul zel' chu pathumnaah a rawn kai a, Bethsy Lalrinsangi hla 'Mifelte chauh thlang lova' tih chu palinaah a kai.

Hontrade Interna­tional Ṭhazual Fakna

1 Lalremsiami -Ka vui lo Lalpa

2 Lalhlumawii -Ka dai ngai loh ram nuam

3 Mawitei ft Open Strings -A vul zel

4 Bethsy Lalrinsangi - Mifelte chauh thlang lova

5 Electric Veng Branch KṬP (Matthaia Grp) - Ka ring zel ang che

6 TBC Zaithanpuia - Nang chauh i ni

7 Pensy B. Lalthangliani- Ka inhumhimna

8 Ark of Melody - Ka damna i ni

9 Bethsy Lalrinsangi - Min kai rawh Lalpa

10 H. Lalremruati - Fakin zai se