Hidden Figures-in pakhatna a luah

Hollywood movie-ah chuan Hidden Figures-in Rogue One a rawn khum. Taraji P. Henson te, Octavia Spencer leh Janelle Monae te channa film hian Rogue One: A Star Wars Story chu a nihna aṭangin a rawn paihthla ta a ni.

Hidden Figures film hi American zinga khaw­vel hel hmasa bertu, John Glenn chanchin bul vela kal chanchin a ni. Kum 1962 khan John Glenn hian boruak lawng hmang­in khawvel a hel a, hetiang ti thei tura a phêna African-American hmei­chhe pathumte chanchin a ni. Zirtawpni khan USD mtd 5.5 a lalut a, Inrinni khan USD mtd 8.5 lalutin, Pathian­ni khan USD mtd 6.4 a lalut. Kar tawp ni thum chhunga a sum lakluh zawng zawng hi USD mtd 20.5 a ni. Hidden Figures hian a pumpuiah USD mtd 54.8 zet a lalut tawh.

Movie kaihhnawih award an sem leh nominee an puan reng renga che

ṭha thei em em mai, Emma Stone channa, La La Land chu pahnihnaah a rawn kai chho a, kar tawp ni thum chhung khan USD mtd 14.5 a lalut. Theatre 1,848-ah chauh chhuah a ni a, theatre pakhat aṭanga sum lakluh tam lama chhut chuan sum lalut ṭha ber a ni a, theatre pakhat aṭangin USD 7,846 zel la chhuak ang a ni. He film hian a pumpuiah USD mtd 74 zet a lalut tawh.

Sing chu pathumnaah bawk a awm leh a, kar tawp chhung khan USD mtd 13.8 a lalut a, hengte nen hian USD mtd 233 zet a lalut tling ta. Kar hmasaa pa­khatna, Rogue One: A Star Wars Story chu palinaah awmin USD mtd 13.7 a lakluh belh leh a, USD mtd 498.8 zet lalut tling tawhin, a siam nana an senso USD mtd 200 pawh a khum tawh hle. The Bye Bye Man chuan USD mtd 13.3 lalutin panganaah a awm.

Box office movies

1 Hidden Figures $20,450,000

2 La La Land $14,500,000

3 Sing $13,810,970

4 Rogue One: A Star Wars Story $13,759,000

5 The Bye Bye Man $13,378,000

6 Patriots Day $12,000,000

7 Monster Trucks $10,500,000

8 Sleepless $8,468,787

9 Underworld: Blood Wars $5,815,000

10 Passengers (2016) $5,625,000